«Рухани жаңғыру: туған жер- алтын бесігім»

«Рухани жаңғыру: туған жер- алтын бесігім»

       Рухани жаңғыру – бұл адам сана сезімінің, сенімі мен сапасының, білімі мен өмір сүру тәсілінің көрсеткіші. Ал,

жастардың рухани байлығы дегенде бірінші кезекте, олардың білімділігі, ана

тілін білуі мен мәдени деңгейі,  дүниетанымдық ой-өрісі тұрады. Қоғамдық сананы жаңғыртудың басты

басымдығы ұлтымыздың жаҺандық қоғамдастықта бәсекеге қабілетті болуы екендігі

сөзсіз. Бұл ретте өзімідің бірегейлігімізді, құндылықтарымыз бен дәстүрімізді сақтауға тиіспіз.

Ең өзекті мәселенің бірі «Туған жер» бағдарламасы. Әр азамат шама шарқы келгенше өзінің туған жеріне, туған ауылына көмектесуі керек. Бұл адам бойындағы патриоттық сезімді оятады.«Отан», «Туған ел», туралы түсініктерін

кеңейте отырып, өз елін, туған жерін сүюге, патриоттық сезімге, рухани адамгершілікке тәрбиелеу мақсатында Қорғалжын мектеп-гимназиясында «Рухани жаңғыру: туған жер-алтын бесігім» атты тәрбие сағатында 9 «а» класс оқушылары жергілікті ақын-жазушылардың, өнер қайраткерлерінің өмірі және шығармашылығымен танысты.

Тәрбие сағаты Қорғалжын өңірінің әнұранына айналған «Қорғалжыным» әнімен 9 «а» класс оқушыларының орындауында басталды.

Пай! Пай! Пай!

Киелі неткен жер,

Батырлар дүрілдеп өткен жер!

Тұлпарлар дүбірлеп төккен жер!

Ғашықтар бір-бірін өпкен жер!

Бас иіп, иіскеп, топырағын,

Тағзым жасамай өтпеңдер!- дей келе,

Мұқағали Мақатаевтың туған жер туралы өлең жолдарымен жалғасын тапты. 9 класс оқушылары Енсебаев Нұрмағанбет Жүнісұлының шығармашылығы туралы мәлімет алды. «Болмасаң да ұқсап бақ» дегендей, Мұратова Махаббат, Ашимова Жұлдыз, Нұрлан Темірлан туған жерге арнап шығарған өлеңдерін ыстық ықыласпен оқып шықты. Зерттеушілік әңгімені пайдалана отырып, ойы озық, ұстанымы мықты, заман талабына сай келешек

ұрпаққа жаңаша білім беру- басты мақсат.  Осыған орай, «Мариям Жагорқызы», «Бытығай», «Қорғалжын қорығы»

тақырыбында Қасымов Елдар, Хаджи-Мұрат Сабина, Карыбжанов Нұрғазы деген оқушылар өздерінің зерттеу жұмыстарын көпшіліктің назарына ұсынды.

     Тәрбие сағаты барысында  «күй сазын- жан азығы» еткен, музыкаға деген құштарлық ертеден қалыптасқан, бірінші болып ұшып биіктерден көріне білген Ташеновтар жанұялық ансамблі туралы ұстаздар, келген қонақтар және оқушылар бейне-жазба арқылы тамашалады. Хамитова Мадина Тәжин Есіркеп атасының өмірбаянымен таныстырып, атасына арнаған өлеңін ерекше сезіммен оқығанда, жиналған қауымның көңілдерін селт еткізді.

      Мектебіміздің директоры Тәжин Нұрлан Есіркепұлы қорытынды сөзінде оқушыларға ризашылығын білдіріп,

Қорғалжын туралы біраз ақпарат берді. Ауданымыздың 90 жылдығына орай ауылымызды көркейту мақсатында көктем мезгілінде 90 тал отырғызу керектігі туралы өз ұсынысын айтты. Осы ұсынысты бір ауыздан келген қонақтар, ұстаздар, оқушылар да қолдады. 

    Тәрбие сағаты жақсы деңгейде өтіп, өз мақсатына жетті. Соңында Қасымов Елдардың орындауындағы «Атамекен» әніне барлығы қосылып шырқады.

    Туған жерді нығайтудың келешектегі кілті- жастардың қолында. Сондықтан, оқу-білімнің өркендеуі басты назарда.

        Қорғалжын мектеп-гимназиясының физика пәнінің мұғалімі Тусупбекова Салтанат Куанышевна